Политика за приватност

Последна измена: 3 ноември 2026

Оваа политика објаснува кои лични податоци ги обработува апликацијата Run&Win и веб-страницата runandwin.online, зошто, колку долго и какви права имаш. Се применува Законот за заштита на личните податоци на Република Северна Македонија (усогласен со GDPR).

1. Кој е одговорен

Контролор на податоците: Ванчо Ѓорѓиев (Vancho Gjorgjiev), Северна Македонија. Контакт за сè што е поврзано со приватноста: info@runandwin.online.

2. Кои податоци ги собираме

• Сметка: е-пошта (за најава и кодови), име (јавно), презиме (по желба, приватно), година на раѓање (само за проверка дека имаш 16+, приватно), град и боја.
• Најава: PIN-от и најавите (токени) се чуваат само како заштитени хашеви, никогаш во отворен облик.
• Трки: додека трчаш, GPS-рутата е само во меморијата на телефонот. По трката се испраќа на серверот, кој ја користи само за да ги пресмета освоените ќелии и не ја зачувува. Се чуваат само збирни податоци: време, растојание, времетраење, режим (пешачење/велосипед), освоени ќелии, калории и кратки броеви за проверка против мамење (без координати).
• Територија: ќелиите што си ги освоил на мапата (шестоаголници од околу 40 m).
• Домашна зона (по желба): точката што си ја избрал, само на серверот; никој друг не ја гледа.
• Слики (по желба): селфи, патики и велосипед се чуваат на твојот телефон. Само ако вклучиш „Покажи ги моите слики“ се испраќаат на серверот, исчистени од скриени податоци (на пр. локација од камерата).
• Тежина (по желба): само за твоите калории, приватно.
• Пријави: кога пријавуваш играч: причината, твојот опис, режимот, градот и просечната брзина.
• IP-адреса: се користи во моментот за проверка дека регистрацијата и трките се од Македонија. За ограничување на обиди (заштита од напади) се чува само заштитен (шифриран) отпечаток од неа, најмногу околу 2 часа, и никогаш не влегува во резервните копии на базата. Не водиме дневник на посети.

3. Зошто (правна основа)

• За да работи играта и твојата сметка (договор: условите за користење).
• За безбедност, заштита од мамење и злоупотреба, и решавање пријави (легитимен интерес).
• Јавни слики и тежина: само со твоја согласност, која можеш да ја повлечеш во секое време во Поставки.

4. Што гледаат другите играчи

Твоето име, боја, град, ниво и ранг, твојата територија на мапата и твоите трки како збирни бројки (вкупно растојание, време, број на трки, проценка на калории за 70 kg). Твојата нова територија и трки ги гледаат дури по 3 часа, за да не се гледа каде си во моментот; „последно активен“ е само датум. Ако ги вклучиш сликите, ги гледаат и нив. Никогаш не ја гледаат твојата е-пошта, презиме, година на раѓање, тежина, домашна зона или GPS-рута.

5. Со кого споделуваме

Податоците не ги продаваме и не ги користиме за реклами. Апликацијата нема реклами и нема алатки за следење или аналитика од трети страни. Обработувачи кои ни помагаат: Contabo GmbH (сервер, Германија, ЕУ) и Namecheap (е-пошта за кодовите, САД). Администраторите, за да ја водат услугата и да решаваат пријави, ги гледаат податоците на сметката (е-пошта, име и презиме, година на раѓање, град), збирните бројки од трките и проверките против мамење, мерките и пријавите, и сликите ако се јавни. Никогаш не ја гледаат GPS-рутата, домашната зона или тежината. Е-поштата за кодовите ја испраќа Namecheap од САД (само адресата и името).

6. Колку долго

• Додека постои твојата сметка. Сметка што не е потврдена со код се брише по 24 часа.
• Кога ќе ја избришеш сметката, твоите податоци се бришат веднаш од серверот. Во резервните копии (шифрирани) и во снимките на серверот кај хостингот остануваат најмногу 30 дена, а потоа се бришат.
• Сликите се бришат од серверот веднаш штом ќе ги исклучиш.

7. Безбедност

Целата комуникација е шифрирана (HTTPS). Најавата на телефонот се чува во безбедниот простор на Android (Keystore). Резервните копии се шифрирани (снимките на целиот сервер кај хостингот не се, но се чуваат најмногу 30 дена). Пристапот до админ-делот бара лозинка и код од апликација за автентикација.

8. Твоите права

Имаш право на пристап, исправка, бришење, ограничување, пренос на податоците и приговор, како и да ја повлечеш согласноста. Сметката ја бришеш сам во апликацијата (упатство); за сè друго пиши ни на info@runandwin.online од е-поштата на сметката. Одговараме во рок од 30 дена. Имаш право на жалба до Агенцијата за заштита на личните податоци (dzlp.mk).

9. Деца

Апликацијата е само за лица од 16 години и повеќе.

10. Дозволи на телефонот

Локација (за снимање трка, само додека трката трае, со известување на екранот), камера (за селфи, само кога ти сакаш) и известувања. Ниту една дозвола не се користи во позадина надвор од трка.

11. Измени

Ако ја смениме оваа политика, новата верзија ќе биде на оваа страница со нов датум, а за важни измени ќе те известиме во апликацијата.